A vila do Louro celebra este ano o 150 aniversario do nacemento do seu ilustre veciño, Antonio Palacios, e a organización da II Carreira de Empresas e XIII Interrunning non o queren pasar o alto.
O vindeiro 5 de xuño comezará o servicio directo e itinerante do Concello para as parroquias do Porriño a través dunha autocaravana, que estará cada mércores de 9:00 a 13:00 nunha das parroquias para acercar os servicios aos cidadáns e proporcionar unha atención directa. “Trátase dun servicio pioneiro en España co que reafirmamos o noso compromiso coa cercanía e a atención directo á nosa veciñanza”, explica o alcalde, Alejandro Lorenzo.
A Asociación Afaga en colaboración co Concello do Porriño, promove unha serie de formacións para coidadores familiares de persoas con demencia en estado moderado-avanzado da enfermidade de Alzheimer e outras demencias.
Xa está aberto o prazo de inscipción para o II Concurso Drag Queen do Porriño Orgulloso, organizado polo Concello do Porriño, que se celebrará o vindeiro 28 de xuño con motivo do Día Internacional do Orgullo LGTBIQ+.
Desde mediados de febreiro está en marcha o Plan Integrado de Emprego (PIE), un completo programa dedicado a mellorar a empregabilidade no Porriño das 100 persoas participantes ó longo do ano. A día de hoxe, “estamos moi contentos co resultado obtido ata o de agora, cun 40% de inserción laboral en tan só estes meses e con máis incorporacións previstas nas vindeiras semanas. O obxectivo inicial do programa era do 45% de inserción e xa pronto o lograremos”, declara Rosario Costas, Concelleira de Emprego e Formación.
Ao longo dos matinais do Festival de Cans, preto de 250 estudantes dos colexios do Porriño pasarán pola sección “Cans do futuro”, que ten como obxectivo achegar aos máis novos ao cinema e coñecer máis de cerca o Festival e a aldea de Cans.
A nova Sala de Exposicións Antonio Palacios será pronto unha realidade. Este museo no que se mostrará, a través de diferentes pezas a traxectoria profesional e persoal do arquitecto porriñés, abrirá as súas portas este ano no marco do ano `Antonio Palacios. Patrimonio do Porriño´.
Reunido o Xurado do Premio de Textos Teatrais Roberto Vidal Bolaño, composto por José Luis Baños de Cos, dramaturgo; Ana San Fernando, actriz; Delio García Represas, profesor e coordinador dos Contratos programa de Teatro do IES Ribeira do Louro; e Raquel Castro, escritora e profesora, como secretaria do xurado, con e sen voto; o xoves 16 de maio, na sede da Editorial Galaxia decide declarar gañadora desta VII edición a obra Fóra de campo que unha vez aberta a plica, resultou ser da autoría de Rosalía Fernández Rial.
Os estudantes de 4º de Educación Secundaria Obrigatoria (ESO) do Porriño -un total de 223- participan en obradoiros de prevención de adiccións, organizados polo Concello xunto coa Conxellería de Sanidade. Baixo o lema “NON PASA NADA, PASA ALGO?”, a Asociación Érguete foi a encargada de impartir esta actividade. “Queremos que aprendan todas as realidades que pode agochar un problema de adicción e tamén que entendan a importancia de saber dicir que non”, destacan na Asociación.
Atendendo á demanda do CD San Salvador de Budiño e dos usuarios e usuarias do campo de fútbol de Budiño, o Concello do Porriño acometeu melloras na cantina do campo das Reloas.
O Centro de Día de Torneiros ofrece de forma gratuíta un curso de técnicas de bordado para maiores de 55 anos, dentro do Programa de Envellecemento Activo co que pretenden difundir a súa labor e facerse visibles na sociedade. O Centro Cultural Alba albergará esta actividade, que terá lugar unha hora á semana durante cinco meses.
