Informámosche que mañá, xoves 23 de xaneiro ás 18:30 horas, terá lugar na Casa Consistorial do Porriño a proxección do documental “Chicas Nuevas 24h”, dirixido por Mabel Lozano.
O novo local, situado na contorna do Centro de Saúde e o Pavillón Municipal, foi adquirido recentemente polo Concello por un importe de 169.183,79 euros máis IVE, e conta con tódalas condicións necesarias para ofrecer un servizo de calidade.
A II Carreira de Empresas Galicia 2024 – XIII Interrunning logrou recadar 15.000€ para tres entidades solidarias. O evento consolidouse como unha mostra do compromiso comunitario coas causas sociais.
A exposición Chicas nuevas 24 horas , que pretende sensibilizar sobre a trata de nenas e mulleres con fins de explotación sexual, xa pode visitarse no Centro Cultural do Porriño.
O alcalde do Porriño, Alejandro Lorenzo, acompañou hoxe ao conselleiro de Sanidade, Antonio Gómez Caamaño, na súa visita ás novas instalacións do centro de saúde do Porriño, unha infraestrutura que, coa súa reforma e ampliación, supón un salto de calidade na atención sanitaria de atención primaria para os veciños do municipio.
O Concello do Porriño e a Confederación Galega de Persoas con Discapacidade (COGAMI) revalidaron hoxe o seu acordo de colaboración anual. Este convenio, que conta cunha achega de 6.000 euros por parte do Concello, centrarase no apoio económico para o transporte adaptado, co fin de facilitar aos veciños e veciñas do Porriño o acceso ás actividades organizadas nas instalacións de COGAMI no Rebullón.
A Concellería de Sanidade, que dirixe Teresa Veloso, en colaboración coa OMIX do Porriño e a financiación da Consellería de Sanidade, impulsan o Programa de Prevención Selectiva do consumo de drogas no ámbito educativo. Baixo o lema `NON PASA NADA, PASA ALGO´ traballará co alumnado de 4º da ESO e Formación Profesional Básica dos centros educativos de Mos e O Porriño.
Esta mañá, Ceamsa, empresa pioneira na produción de hidrocoloides con sede no Porriño, realizou unha xenerosa doazón de 100 cestas de Nadal ao programa municipal de alimentos SOS Porriño. A entrega tivo lugar nas instalacións do banco municipal e contou coa presenza do alcalde do Porriño, Alejandro Lorenzo, e do concelleiro de Benestar Social, Abel Estévez, que recibiron os lotes de alimentos da man de Jorge Trigo, responsable de Ceamsa. Pola súa banda, o Concello do Porriño suma 75 lotes máis sendo 175 familias do Porriño as que recibirán esta achega para disfrutar destas datas.
O Centro Sociocomunitario de Porriño acolleu hoxe a entrega de diplomas aos participantes do taller Cultiva a Mente, un programa impulsado polo Concello do Porriño en colaboración con AFAGA para promover un envellecemento activo e saudable. Este proxecto contou coa participación de 15 persoas maiores de 55 anos, quen, durante varios meses, traballaron na prevención do deterioro neurodexenerativo mediante actividades centradas na estimulación cognitiva, física, emocional e social.
Nun acto celebrado no Concello, o alcalde Alejandro Lorenzo e a concelleira de Igualdade, Carolina González, presentaron o V Plan de Igualdade de Oportunidades entre mulleres e homes, un documento que marca un fito no compromiso do Concello coa igualdade de xénero e o cambio social.
