O Consorcio de Augas do Louro vén de adxudicar as obras de extensión da rede de saneamento na parroquia de Chenlo, que beneficiará a preto de 100 veciños e veciñas da parroquia.
Un novo Peto de ánimas sorprende aos peregrinos aos pés da capela de San Campio, en Pontellas. Isto é posible grazas a Aurea Rivas, unha veciña de Mondariz moi vinculada á parroquia pola súa familia, que decidiu poñerlle a imaxe das almiñas ao peto que preside o recinto e cuxa única inquilina desde hai anos era unha esmagada lata de Coca Cola.
O Concello do Porriño levará a cabo durante este verán varias actuacións de mellora nas dúas escolas infantís “A Galiña Azul do Municipio”. O alcalde, Alejandro Lorenzo, e a concelleira de Política Social, Teresa Veloso, explicaron que en total investiranse 30.000 euros en actuacións que mellorarán a funcionalidade de ambos centros.
A Mochila da Luz chegou hoxe de novo ao Porriño cargada de luz e esperanza. Na súa peregrinaxe polo Camiño portugués, desde Oporto cara Santiago de Compostela, carga de xeito simbólico recordos de moitas persoas que quedaron atrás e vai recollendo novos agasallos. Chegará a Compostela o 25 de xullo coincidindo co Día do Apóstolo Santiago, onde serán recibidos polo deán da Catedral.
A Xunta Rectora da UNED de Pontevedra vén de aprobar por unanimidade que a aula Uned do Porriño imparta un novo grao universitario. O Grao de Dereito súmase á oferta formativa do noso centro asociado xunto co de Traballo Social e o de Socioloxía, permitindo que a veciñanza poida estudar na vila tres carreiras universitarias.
O Porriño segue a invertir na calidade dos servizos que presta aos seus maiores. Nesta liña, a entidade local acometerá unha serie de melloras no Centro de Día de Torneiros que redundarán nunha mellor atención aos/as usuarios/as deste centro socio-terapéutico.
O alcalde do Porriño, Alejandro Lorenzo, reuniuse hoxe coa deputada de Infraestruturas e Mobilidade, Isabel Couselo, para abordar os avances no proxecto de construción dunha nova senda peonil no Casal e en Cerquido, en Budiño, unha demanda histórica da veciñanza da parroquia. O proxecto atópase moi avanzado pendente só de concretar a ficha de cesións para proceder á súa tramitación.
O Porriño avanza na extensión da súa rede de saneamento coa vista posta na execución integral. O Consorcio de Augas do Louro vén de adxudicar as obras de extensión da rede no Outeiro, na parroquia de Pontellas, que dará servizo a máis de 20 vivendas.
As probas olímpicas da Porrigalia tiveron lugar durante a tarde do sábado e a mañá de hoxe. Máis de 8.000 persoas acudiron onte ao Porriño a vivir os xogos olímpicos e gozar de todas as actividades. As Olimpiadas Técnicas, celebradas onte e hoxe pola mañá en diferentes zonas da vila, amosaron a grandeza do deporte compartido entre amigos e familia, nun ambiente festivo, onde a diversión era o motor e o premio máis importante.
Os Festicultores Troupe xa está preparados para o festón de cores da Holigalia este domingo 14 de xullo. Unha explosión de humor, música, cores para facernos bailar a todos e todas.
Esta segunda xornada da VIII Porrigalia ven chea de xogos e espectáculos durante todo o día. No Showcooking do Mercado de Abastos do Porriño, da man de Marta Solé e Roberto Cuerdo, os chefs elaboraron un prato saúdable e fixeron mostra de como se pode reconvertir unha comida.
