O Concello do Porriño reafirma o seu compromiso coas parroquias publicando unha nova liña de axudas destinada ás comunidades de usuarios de auga. As traídas do municipio poderán beneficiarse destas achegas ás que se destinarán un total de 175.000 euros, sendo 95.000 euros para mantemento de instalacións. Mantense o incremento impulsado polo Concello na anterior convocatoria, cando se duplicou a partida para dispor 80.000 euros para o novo investimento.
O alcalde do Porriño, Alejandro Lorenzo, recibe na Casa Consistorial a Pablo Estévez, o veciño de Atios que obtivo por 5ª vez o recoñecemento como “Mellor enólogo de viños xoves de España” dos Premios Baco, un certame organizado pola Unión Española de Catadores (UEC) que distingue aos mellores viños do país.
A listaxe das persoas admitidas na Escola Municipal de Música do Porriño para o curso 2024-2025 estará exposta desde mañá no Centro Cultural Municipal e na sede da Escola de Música, o edificio do Centro Cívico da rúa Domingo Bueno. Unha das grandes novidades deste curso é que se garantiza a praza a todas as persoas preinscritas e en todas as especialidades escollidas. As clases comezarán o 11 de setembro e é imprescindible ter formalizada a matrícula e o pago para poder asistir.
O pleno do Concello do Porriño deu hoxe luz verde aos Orzamentos Municipais do 2024. Unhas contas, según o alcalde, Alejandro Lorenzo, que marcan dúas liñas de actuación irrenunciables: a atención ás necesidades das persoas e a prestación de servizos esenciais.
A Concellería de Festas do Concello do Porriño anuncia que xa está aberto o prazo de inscrición para o concurso “Novos talentos musicais val da Louriña 2024. Tes Talento?”, que se celebrará na vila entre o 13 e o 29 de setembro. Un concurso que busca descubrir e dar a coñecer novos talentos, con concertos en directo.
Os días 23, 24 e 25 de agosto O Porriño celebra as festas de San Sebastián. Este céntrico barrio porriñés honra ao seu patrón con tres xornadas de actividades organizadas pola Comisión de Festas de San Sebastián, en colaboración co Concello do Porriño.
O Concello de Porriño informa de que a próxima semana publicaranse as bases para a concesión de subvencións destinadas á instalación de sistemas de bombeo individuais en vivendas próximas á rede de saneamento. Esta pioneira liña de axudas conta cun orzamento total de 108.000 euros chegando a aportar ata 2.000 euros por beneficiario.
O Concello do Porriño está a traballar na procura de financiación supramunicipal para a acometida integral da rede de saneamento. O executivo que preside Alejandro Lorenzo estableceu como unha das súas prioridades a de dotar de saneamento todas as vivendas existentes no Concello do Porriño e a tal fin desenvolveu a primeira planificación local dos proxectos pendentes de execución.
Ricardo Baz Pereira, veciño de Atios, foi recibido polo alcalde, Alejandro Lorenzo, na Casa Consistorial para falar de jiu jitsu e do seu recente salto á “faixa preta” (cinturón negro). O loitador estase preparando xa para o Campionato Europeo de Roma en outubro e o de Lisboa en xaneiro.
A Deputación Pontevedra abre hoxe, 16 de agosto, o prazo para que os maiores de 55 anos poidan inscribirse en +Benestar, que oferta 2.127 prazas para desfrutar de estancias en balnearios, talasos ou spas da provincia.
O Concello do Porriño informa dos próximos cortes no subministro eléctrico que levará a cabo UDF Grupo Naturgy e que afectarán a diversas zonas do termo municipal entre os días 20 e 22 de agosto. Estes son necesarios para atender nas mellores condicións as necesidades de suministro das áreas afectadas, que implican traballos de mantenemento e desenvolvemento da rede eléctrica.
O Porriño contará moi pronto cun novo espazo cultural, un auditorio municipal versátil que resolverá as carencias de espazo escénico de calidade que arrastra desde sempre a vila do Louro.
