O acceso dos cidadáns e empresas á información do estado das súas xestións con esta entidade está dispoñible xa a través da Carpeta Cidadá do Goberno de España (https://carpetaciudadana.gob.es). Unha nova canle que ven a sumarse á sede electrónica municipal.
Tal e como explicou o alcalde, Alejandro Lorenzo, este avance estratéxico foi posible “grazas a un traballo previo de optimización e normalización dos procedementos municipais, co obxectivo de aportar unha maior eficiencia na prestación de servizos á veciñanza e ofrecer unha información veraz, actualizada e de calidade”. O Concello recibiu un total de 75.198,92 euros do Ministerio de Política Territorial e Memoria Democrática a través dos fondos do Plan de Recuperación, Transformación e Resiliencia e NextGeneration da Unión Europea. Estas subvencións están destinadas á transformación dixital e modernización das entidades locais.
A adopción da tecnoloxía na xestión administrativa non só simplifica os trámites, senón que tamén axiliza os procesos, reducindo tempos e mellorando a accesibilidade por parte da cidadanía.
A mellora das canles de comunicación coa cidadanía é unha premisa baixo a cal traballa o executivo, polo que xa traballa en varias iniciativas a maiores que como esta reflicten o compromiso do Concello coa modernización e a adaptación ás necesidades actuáis, ofrecendo canles de comunicación e acceso á información municipal desde calquera dispositivo electrónico.
Pódese consultar o vídeo de mostra na seguinte ligazón "Vídeo demo"
