A Asociación Española Contra o Cancro, con motivo do día Mundial Contra o Cancro, lanza a iniciativa “TODOS CONTRA O CANCRO” para crear un movemento social e conseguir que 7 de cada 10 persoas sobrevivan ao cancro no ano 2030.
O cancro é un dos problemas sociosanitarios máis importantes do mundo. Se calcula que no ano 2030 21,6 millóns de persoas serán diagnosticadas de cancro, das cales, atendendo os datos do Observatorio do Cancro, 330.000 o serán en España.
Ante estes datos, dende o Concello e Asociación facemos un chamamento a sociedade para que elixan a prevención e así lograr unha detección precoz.
“O día de hoxe debe servir para que lembremos que cada día do ano temos que manter o noso compromiso nesta loita”, apuntou o alcalde. “É vital que a cidadanía participe nos cribados que poden axudar a superar o cancro xa que na maioría dos casos se detecta a tempo”.
En España, no ano 2022 diagnosticáronse uns 290.000 casos o que significa que unha persoa foi diagnosticada de cancro cada 2 minutos. Na provincia de Pontevedra detectouse 6447 novos casos de cancro.
