A listaxe das persoas admitidas na Escola Municipal de Música do Porriño para o curso 2024-2025 estará exposta desde mañá no Centro Cultural Municipal e na sede da Escola de Música, o edificio do Centro Cívico da rúa Domingo Bueno. Unha das grandes novidades deste curso é que se garantiza a praza a todas as persoas preinscritas e en todas as especialidades escollidas. As clases comezarán o 11 de setembro e é imprescindible ter formalizada a matrícula e o pago para poder asistir.
Os días 23, 24 e 25 de agosto O Porriño celebra as festas de San Sebastián. Este céntrico barrio porriñés honra ao seu patrón con tres xornadas de actividades organizadas pola Comisión de Festas de San Sebastián, en colaboración co Concello do Porriño.
A Concellería de Festas do Concello do Porriño anuncia que xa está aberto o prazo de inscrición para o concurso “Novos talentos musicais val da Louriña 2024. Tes Talento?”, que se celebrará na vila entre o 13 e o 29 de setembro. Un concurso que busca descubrir e dar a coñecer novos talentos, con concertos en directo.
Ricardo Baz Pereira, veciño de Atios, foi recibido polo alcalde, Alejandro Lorenzo, na Casa Consistorial para falar de jiu jitsu e do seu recente salto á “faixa preta” (cinturón negro). O loitador estase preparando xa para o Campionato Europeo de Roma en outubro e o de Lisboa en xaneiro.
O Porriño contará moi pronto cun novo espazo cultural, un auditorio municipal versátil que resolverá as carencias de espazo escénico de calidade que arrastra desde sempre a vila do Louro.
O Concello do Porriño, en colaboración coa Deputación de Pontevedra, presenta “Querida Montserrat, querido Luciano”, unha homenaxe á soprano Montserrat Caballé e ao tenor Luciano Pavarotti, que terá lugar o 21 de agosto na praza do Arquitecto Antonio Palacios ás 21:00 horas, con entrada de balde.
O Concello do Porriño, xunto coa Xunta de Galicia e a Deputación de Pontevedra, presentou hoxe o cartel completo do Negrita Music Festival que terá lugar na vila do Louro os días 13 e 14 de setembro. Na presentación do evento estiveron presentes o alcalde, Alejandro Lorenzo, a Directora Xeral de Xuventude, Lara Meneses, a delegada territorial da Xunta en Vigo, Ana Ortiz, oconcelleiro de Cultura, Bienvenido Estévez, e Manuel Garrido, da productora Leitmotiv Producciones. JC Reyes e Maka, dúas das figuras máis aclamadas do noso país, serán os cabezas de cartel deste evento que conta cos artistas máis relevantes de música urbana a nivel nacional, como Hard GZ, Recycled J ou Maikel Delacalle, entre outros.
O Centro Cultural Alba de Torneiros ofertará a partir de setembro varias actividades enfocadas no benestar físico e mental. En concreto desenvolveranse clases de ioga, zumba e pilates.
Alejandro Lorenzo, alcalde, e Abel Estévez, concelleiro de Deportes e presidente do Club Balonmano Porriño, presentaron onte o torneo de banlonmán I Memorial Julio Gilsanz, que terá lugar o venres 9 e o sábado 10 no pavillón municipal. Trátase dun torneo internacional que honra a figura de Julio Gilsanz, fundador do club e presidente do mesmo durante moitos anos. “O torneo servirá tamén para que o noso equipo de División de Honor teña unha pretemporada de calidade e desde a directiva desexamos que o torneo teña permanencia no tempo”, comenta Estévez.
A veciña de Torneiros, Noelia Mouriño, gañadora do bronce coa selección española de baloncesto no Mundial Sub-17 disputado en México o pasado mes de xullo, visitou a Casa Consistorial do Porriño, a vila na que empezou a súa carreira deportiva e que a acolleu como veciña. O alcalde, Alejandro Lorenzo, e o concelleiro de Deportes, Abel Estévez, reciben a Noelia e a súa familia para homenaxear á deportista.
O alcalde do Porriño, Alejandro Lorenzo, subiuse á bici esta fin de semana para participar dun dos adestramentos de DisCamino, unha asociación que desafía os límites e fai posible que persoas discapacidade sensorial, física ou intelectual cumpran o seu soño de peregrinar a Compostela e vivan esta aventura como calquera outro peregrino.
O piloto porriñés José Calvar sae desde O Porriño cara ao Barum Czech Raily Zlín, a proba do campionato europeo de rallies que se celebra na República Checa entre o 16 e 18 de agosto.
