O obradoiro de emprego “Porremprego Cualifica”, impulsado polo Concello do Porriño co apoio da Xunta de Galicia, chegou hoxe ao seu fin. A actividade permitiu a formación de 20 persoas desempregadas en dúas especialidades con moita demanda no Porriño e contorna, relacionadas coa cociña e coa atención sociosanitaria a persoas dependentes, que hoxe recibiron os seus diplomas.
O alcalde do Porriño, Alejandro Lorenzo, trasladou hoxe ao Comité de empresa de Madera Fiber Technologies (antiga Faurecia Interior Systems) o respaldo da corporación local do Porriño ás súas reivindicacións ante o desmantelamento que está a sufrir a empresa. A multinacional atravesa unha situación crítica e vén de presentar un concurso de acreedores que vai deixar a máis de 100 familias sen sustento.
As previsións meteorolóxicas para esta fin de semana obrigan a pospoñer a vixésimo oitava edición da feira de oportunidades prevista para este sábado e domingo. Tal e como anunciaron hoxe dende Acipor e o Concello do Porriño finalmente Merca na Rúa celebrarase o vindeira semana, o venres 15 e o sábado 16 de setembro en horario ininterrompido de 10 a 21 h.
O Concello do Porriño iniciou os trámites para licitar a contratación da primeira fase das obras de mellora que se levarán a cabo na Praza de Abastos, cun orzamento máximo de licitación de 106.000 euros.
A Banda de gaitas Irmandade do Centro Social Cultural e Deportivo de Bolos Val Miñor de Montevideo, dará un concerto este mércores 13 de setembro ás 21 h na Praza Arq. Antonio Palacios. Con motivo da celebración dos seus 20 anos de existencia, a banda de música tradicional galega decide cumprir o seu sono de poder actuar e participar de festas na terra dos seus antergos.
Chegan ao Porriño as Festas do Cristo e con elas unha nova edición do concurso musical `Tes Talento?´, que como cada ano dará unha oportunidade de promoción a grupos de música e solistas emerxentes.
O Concello do Porriño, a través da concellería de Igualdade que dirixe Carolina González, pon en este mes un servizo gratuíto de ludoteca dirixido aos máis pequenos e pequeñas da casa. Este recurso estará disponible dende o vindeiro luns 11 de setembro e ata o día 28 do mesmo mes, en horario de tarde, de 16 a 20 h, pero o Concello traballa para dar continuidade ao mesmo co fin de facilitar a conciliación familiar.
Un ano máis, e xa van dezaseis, o velódromo municipal do Porriño acollerá a Dirt Track Xacob Agra. Como cada ano, o motoclub Papaya en colaboración co Concello do Porriño, organiza esta carreira noturna que reunirá no óvalo porriñés a pilotos chegados de toda a xeografía galega e tamén do país veciño.
As Festas do Cristo regresan este ano ao Porriño con máis dun cento de actividades para todos os públicos e gustos. Propostas deportivas, espectáculos, animación de rúa, monólogos, verbenas, concertos e moitas sorpresas conforman a programación que xa deu comezo esta fin de semana e que se prolongará ata o domingo 1 de outubro coa tradicional cita gastronómica dos callos, que este ano chega á súa trixésimo edición.
O pleno vén de aprobar un recoñecemento extraxudicial de crédito para abonar 115 facturas por importe de 231.000 euros e a baixa na contabilidade doutra ducia que suman 177.000 euros
