O Concello pretende ser a casa do pobo, o espazo onde conviven as distintas familias políticas que representan os intereses dos cidadáns da nosa cidade. O lugar onde se propoñen as melloras administrativas orientadas a garantir a calidade de vida dos veciños, o espazo onde se resolven os conflitos de interese, onde reside a voz e o poder do pobo.
O Concello de O Porriño pon a disposición dos seus veciños e veciñas as instalacións públicas do Concello para o seu desfrute e esparcemento persoal. A súa conservación e impulso forman parte das obrigas sociais asumidas polo Concello; o mantemento do pulo ás actividades cívicas que melloren o desenvolvemento das persoas, tanto a nivel individual como dende o fomento dos grupos de traballo, deportivas o culturais, serán sempre un activo estratéxico para os membros da Corporación.
O Centro Cultural Municipal, atópase na rúa Domingo Bueno, 9. Acolle a Biblioteca Municipal e a Oficina Municipal de Irformación Xuvenil. Ademais conta con dúas salas de exposicións nas que ó longo do ano se realizan diversas mostras e exposición de pintura, escultura, fotografía, actividades escolares, etc.
O Pavillón Municipal de Porriño é un lugar perfecto para a celebración de todo tipo de eventos deportivos, tanto dende as distintas actividades deportivas profesionais, como para a práctica e desfrute de tódolos veciños.
A Escola Municipal de Música do Porriño conta na actualidade con 14 profesores que semanalmente imparten clases de linguaxe musical e das diferentes especialidades instrumentais ós mais de 150 alumnos de todas as idades. Conta á vez con seis agrupacións que dan cabida no só ós alumnos da escola, senón tamén a todos os vecinos e veciñas do Porriño e contorna que queiran formar parte das mesmas.
O Centro Cívico de O Porriño é un equipamento sociocultural para uso e desfrute público. Trátase dun espazo polivalente orientado a ofrecer tanto actividades xeradas polo propio equipo de goberno, coma un lugar para que os veciños e veciñas podan desenvolver as súas actividades culturais e de esparcimento.
